Zangiota tuman texnikumi

Professional ta’lim muassasalariga yil davomida o‘quvchilarni dual ta’lim shaklida o‘qishga qabul qilish tizimi joriy etilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida

07.12.2023 yildagi 647-son PQ-200-son

Mamlakatimizda ish beruvchilarning ehtiyojlari asosida o‘rta bo‘g‘in kadrlarni tayyorlash jarayonlari bo‘yicha samarali ishlar amalga oshirilmoqda.

Xususan, iqtisodiyotning barcha sohalarida malakali va zamonaviy kasbiy ko‘nikmalarga ega o‘rta bo‘g‘in kadrlarini tayyorlash, yoshlarning kasb va mutaxassisliklarni egallashga bo‘lgan qiziqishlarini inobatga olib, o‘z kasbiy ko‘nikmalarini rivojlantirish uchun professional ta’lim muassasalarida dual ta’lim shaklida o‘qitish tizimi yo‘lga qo‘yildi.

Shu bilan birga, hududlarni ijtimoiy-iqtisodiy rivojlantirish dasturlari asosida tashkil etilayotgan ish o‘rinlarida o‘rta bo‘g‘in kadrlariga bo‘lgan ehtiyojning yanada oshishi natijasida professional ta’lim muassasalarida tashkilotlarning buyurtmalari asosida yil davomida dual ta’lim shaklida o‘qitishni yo‘lga qo‘yish zaruriyati yuzaga kelmoqda.

O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023-yil 3-iyuldagi PQ-200-son qarori ijrosini ta’minlash, mehnat bozori uchun raqobatbardosh o‘rta bo‘g‘in kadrlarini tayyorlash tizimini yanada takomillashtirish hamda o‘quvchilarni dual ta’lim shaklida qabul qilishning yangi mexanizmlarini joriy etish maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi o‘zgartirish va qo‘shimchalar kiritilsin:

professional ta’lim muassasalarida o‘quvchilarni yil davomida tashkilotlarning buyurtmalari asosida dual ta’lim shaklida o‘qitish;

ish beruvchilarning o‘rta bo‘g‘in kadrlariga bo‘lgan mavjud ehtiyoji asosida dual ta’lim shakli bo‘yicha o‘qishga qabul qilishni soddalashtirish;

o‘quvchilarni dual ta’lim shakli bo‘yicha o‘qishga qabul qilish tizimini raqamlashtirish.

2. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hududdagi tashkilotlarning mavjud imkoniyatlari va takliflari asosida professional ta’lim muassasalarida dual ta’lim shaklida o‘qitishni yo‘lga qo‘yish borasida doimiy ko‘maklashib borsin.

3. O‘zbekiston Respublikasi Kambag‘allikni qisqartirish va bandlik vazirligi:

2024/2025 o‘quv yilidan boshlab tashkilotlar va tadbirkorlik subyektlaridagi mavjud ish o‘rinlari hamda ularda yaratilgan shart-sharoitlar bo‘yicha ma’lumotlar bazasini shakllantirsin;

har yili 1-avgustga qadar professional ta’lim muassasalarida o‘quvchilarni dual ta’lim shaklida o‘qitishni tashkil etish bo‘yicha Yagona milliy mehnat tizimidan ro‘yxatdan o‘tgan tashkilotlar va tadbirkorlik subyektlari bilan o‘zaro hamkorlikni yo‘lga qo‘ysin.

4. O‘zbekiston Respublikasi Oliy ta’lim, fan va innovatsiyalar vazirligi:

tashkilotlardan biriktirilgan ustozlarning pedagogik mahoratini ixtiyoriy ravishda oshirish uchun har yili dual ta’lim shakli bo‘yicha bepul qisqa muddatli malaka oshirish kurslarini tashkil etsin;

dual ta’lim shakli joriy etilgan kasb va mutaxassisliklar bo‘yicha tegishli ta’lim dasturlarini takomillashtirsin hamda Germaniya tajribasi asosida metodik materiallarni ishlab chiqsin;

2024/2025 o‘quv yiliga qadar Kambag‘allikni qisqartirish va bandlik vazirligi, Raqamli texnologiyalar vazirligi bilan birgalikda mehnat bozorining o‘rta bo‘g‘in kadrlariga bo‘lgan joriy va istiqbolli ehtiyojni aniqlashga mo‘ljallangan elektron platformani ushbu maqsadlar uchun ajratilgan mablag‘lar hisobidan ishga tushirsin hamda o‘rta bo‘g‘in kadrlarini tayyorlash istagida bo‘lgan tashkilotlar va professional ta’lim muassasalari bilan tuziladigan shartnomalarni elektron shaklda imzolash tizimini joriy etsin.

5. Mazkur qarorning bajarilishini nazorat qilish O‘zbekiston Respublikasi oliy ta’lim, fan va innovatsiyalar vazirining birinchi o‘rinbosari K.X. Karimov zimmasiga yuklansin.

Professional ta’limda kredit-modul tizimini joriy etish chora-tadbirlari to‘g‘risida

07.12.2023 yildagi 648-son PQ-300-son

O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023-yil 3-iyuldagi PQ-200-son, “O‘zbekiston — 2030” strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida” 2023-yil 11-sentabrdagi PQ-300-son qarorlari ijrosini ta’minlash hamda professional ta’limda kredit-modul tizimini bosqichma-bosqich joriy etish maqsadida Vazirlar Mahkamasi qaror qiladi:

1. Quyidagilar:

a) O‘zbekiston Respublikasi Prezidentining 2023-yil 3-iyuldagi PQ-200-son qarori bilan tasdiqlangan Oliy ta’lim, fan va innovatsiyalar sohasini transformatsiya qilish jarayonlarini jadallashtirish bo‘yicha “yo‘l xaritasi”ning 31-bandida:

professional ta’lim muassasalari pedagog xodimlarining o‘quv-me’yoriy hujjatlari hamda pedagogik yuklamalarini qayta ko‘rib chiqish;

professional ta’lim tizimi rahbar va pedagog xodimlarining malakasini oshirish va ularni qayta tayyorlash jarayoniga kredit-modul tizimini joriy etish;

b) O‘zbekiston Respublikasi Prezidentining 2023-yil 11-sentabrdagi PQ-300-son qarori bilan tasdiqlangan “O‘zbekiston — 2030” strategiyasining har bir insonga o‘z salohiyatini ro‘yobga chiqarish uchun munosib sharoitlar yaratish yo‘nalishi bo‘yicha 2023-yilda ishlab chiqiladigan normativ-huquqiy hujjatlar loyihalari ro‘yxatining 7-bandida texnikumlarda kredit-modul tizimini joriy etish nazarda tutilganligi ma’lumot uchun qabul qilinsin.

2. Quyidagilarni nazarda tutuvchi Texnikumlarda kredit-modul tizimida o‘quv jarayonini tashkil etish tartibi to‘g‘risidagi nizom 1-ilovaga muvofiq tasdiqlansin:

o‘rta bo‘g‘in kadrlar tayyorlashda kredit-modul tizimi bo‘yicha o‘quv jarayonini tashkil etish va ta’lim sifatini ta’minlash;

o‘quvchilar tomonidan o‘quv yili va semestr davomida to‘planadigan kreditlar miqdori va o‘zlashtirish lozim bo‘lgan fanlarni belgilash;

o‘rta bo‘g‘in kadrlarni tayyorlashda kredit-modul tizimini bosqichma-bosqich joriy etish hamda o‘quvchilar o‘zlashtirishini baholash;

o‘quvchilar akademik mobilligi hamda kreditlarni tan olishni amalga oshirish, kredit-modul tizimida ro‘yxatga olish xizmatini tashkil etish.

3. O‘zbekiston Respublikasi Oliy ta’lim, fan va innovatsiyalar vazirligi:

a) tizimida texnikumlar bo‘lgan vazirliklar va idoralar bilan hamkorlikda 2024/2025 o‘quv yilidan boshlab texnikumlarda kredit-modul tizimida o‘quv jarayonini tashkil etish bo‘yicha:

ta’limning kredit-modul tizimiga texnikumlarni bosqichma-bosqich o‘tkazib borish choralarini ko‘rsin;

o‘quv jarayoniga kredit-modul tizimi joriy etiladigan professional ta’lim yo‘nalishlari, kasb va mutaxassisliklarining davlat ta’lim standartlari, malaka talablari, o‘quv rejalari va o‘quv dasturlarini qayta ishlab chiqsin;

b) professional ta’lim tizimi rahbar va pedagog xodimlarini qayta tayyorlash va ularning malakasini oshirish jarayoniga kredit-modul tizimini joriy etish bo‘yicha 2024-yil 1-yanvardan boshlab:

kredit-modul tizimi joriy etilishi orqali malaka oshirish kurslarining o‘quv rejalari va o‘quv dasturlari takomillashtirilishini va tinglovchilarning muayyan modul (fan) bo‘yicha o‘zlashtirilgan o‘quv yuklamasi kreditlar asosida hisoblanishini ta’minlasin;

rahbar va pedagog xodimlarning malaka oshirish shakllarini mustaqil tanlash imkoniyatini yo‘lga qo‘ysin hamda har o‘quv kursi yakuni bo‘yicha ta’lim natijalarini monitoring qilsin.

4. O‘zbekiston Respublikasi Hukumatining ayrim qarorlariga 2-ilovaga muvofiq o‘zgartirish va qo‘shimchalar kiritilsin.

5. O‘zbekiston Respublikasi Oliy ta’lim, fan va innovatsiyalar vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish O‘zbekiston Respublikasi oliy ta’lim, fan va innovatsiyalar vazirining birinchi o‘rinbosari K.X. Karimov zimmasiga yuklansin.

O‘zbekiston Respublikasining professional ta’lim muassasalariga o‘qishga qabul qilishni tashkil etish chora-tadbirlari to‘g‘risida

11.11.2020 yildagi 715-son PF-5953-son

O‘zbekiston Respublikasi Prezidentining “2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm, ma’rifat va raqamli iqtisodiyotni rivojlantirish yili”da amalga oshirishga oid davlat dasturi to‘g‘risida” 2020-yil 2-martdagi PF-5953-son Farmoniga muvofiq yoshlarning kasblar va mutaxassisliklarni egallashga bo‘lgan qiziqishlarini qo‘llab-quvvatlash uchun keng imkoniyatlar yaratish hamda professional ta’lim muassasalariga o‘qishga qabul qilish tartibini belgilash maqsadida Vazirlar Mahkamasi qaror qiladi:

1. O‘zbekiston Respublikasi Prezidentining “2020/2021 o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” 2020-yil 12-iyundagi PQ-4749-son qarori bilan O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasi (keyingi o‘rinlarda — Davlat komissiyasi)ga professional ta’lim muassasalariga o‘qishga qabul qilishning davlat buyurtmasi parametrlarini tasdiqlash huquqi berilganligi ma’lumot uchun qabul qilinsin.

2. Belgilab qo‘yilsinki:

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, tizimida professional ta’lim muassasalari bo‘lgan vazirliklar va idoralar 2021-yildan boshlab har yili 15-yanvarga qadar hududlarning ijtimoiy-iqtisodiy rivojlanish dasturlari asosida mahalliy mehnat bozori ehtiyojlari, o‘quvchilarning qiziqishlari hamda ish beruvchilarning buyurtmalaridan kelib chiqib, professional ta’lim muassasalariga qabul qilishning davlat buyurtmasi parametrlariga asoslangan takliflarni kasblar va mutaxassisliklar bo‘yicha O‘zbekiston Respublikasi Oliy va o‘rta maxsus ta’lim vazirligiga taqdim etadi;

O‘zbekiston Respublikasi Oliy va o‘rta maxsus ta’lim vazirligi Iqtisodiy taraqqiyot va kambag‘allikni qisqartirish vazirligi, Moliya vazirligi, tizimida professional ta’lim muassasalari bo‘lgan vazirliklar va idoralar bilan birgalikda har yili professional ta’lim muassasalarining davlat buyurtmasi parametrlarini tasdiqlash uchun Davlat komissiyasiga asoslangan taklif kiritadi;

professional ta’lim muassasalariga yetim bolalar va ota-ona qaramog‘idan mahrum bo‘lgan o‘quvchilar hamda ijtimoiy himoyaga muhtoj oila farzandlari qabul parametrlaridan tashqari qo‘shimcha davlat granti asosida o‘qishga qabul qilinadi;

ijtimoiy himoyaga muhtoj oilalar ro‘yxati O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining “Ijtimoiy himoya yagona reyestri” axborot tizimiga asosan tuman (shahar) iqtisodiy taraqqiyot va kambag‘allikni qisqartirish bo‘limlari tomonidan shakllantiriladi;

2020/2021 o‘quv yilidan boshlab davlat granti asosida professional ta’lim muassasalariga o‘qishga qabul qilingan shaxslarni o‘qitish bilan bog‘liq xarajatlar O‘zbekiston Respublikasi Davlat budjeti mablag‘lari hisobiga amalga oshiriladi.

3. Professional ta’lim muassasalariga o‘qishga qabul qilish tartibi to‘g‘risidagi nizom ilovaga muvofiq tasdiqlansin.

4. O‘zbekiston Respublikasi Oliy va o‘rta maxsus ta’lim vazirligi:

2021-yil 1-aprelga qadar oliy ta’lim muassasalari huzuridagi texnikumlarni bitirgan o‘quvchilar o‘z sohasi bo‘yicha kirish imtihonlarisiz, yakka tartibdagi suhbat orqali mos bakalavriat ta’lim yo‘nalishlarida 2-bosqichdan o‘qishini davom ettirishini nazarda tutuvchi normativ-huquqiy hujjat loyihasini Vazirlar Mahkamasiga kiritsin;

2021/2022 o‘quv yiliga qadar Sog‘liqni saqlash vazirligi, Bandlik va mehnat munosabatlari vazirligi hamda O‘zbekiston nogironlar assotsiatsiyasi bilan birgalikda O‘zbekiston Respublikasi professional ta’lim tizimida imkoniyati cheklangan shaxslar uchun tavsiya etiladigan kasblar va mutaxassisliklar ro‘yxatini ishlab chiqsin va tasdiqlasin.

5. O‘zbekiston Respublikasi Oliy va o‘rta maxsus ta’lim vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari B.A. Musayev hamda O‘zbekiston Respublikasi oliy va o‘rta maxsus ta’lim vaziri I.U. Madjidov zimmasiga yuklansin.

Oliy va kasbiy ta’lim tashkilotlari bitiruvchilarining yakuniy davlat attestatsiyasini tashkil etish chora-tadbirlari to‘g‘risida

13.12.2024 yildagi 836-son

Mamlakatimizda yuqori malakali kadrlar tayyorlash jarayonini sifat jihatidan yangi bosqichga ko‘tarish, ish beruvchi korxona va tashkilotlarni ta’lim jarayoniga jalb etish hamda oliy va kasbiy ta’lim tashkilotlari bitiruvchilarining yakuniy davlat attestatsiyasini o‘tkazish tartibini takomillashtirish maqsadida Vazirlar Mahkamasi qaror qiladi:

1. 2025-yil 1-yanvardan boshlab oliy va kasbiy ta’lim tashkilotlari bitiruvchilarining yakuniy davlat attestatsiyasini (keyingi o‘rinlarda — attestatsiya) ish beruvchi korxona va tashkilotlarda ham tashkil etish amaliyoti joriy qilinsin.

2. Quyidagilar:

Oliy ta’lim tashkilotlari bitiruvchilarining yakuniy davlat attestatsiyasini o‘tkazish tartibi to‘g‘risidagi nizom 1-ilovaga muvofiq;

Kasbiy ta’lim tashkilotlari bitiruvchilarining yakuniy davlat attestatsiyasini o‘tkazish tartibi to‘g‘risidagi nizom 2-ilovaga muvofiq tasdiqlansin.

3. Belgilansinki:

diplom loyihasi hamda bitiruv malakaviy ishi himoya qilinadigan bakalavriat ta’lim yo‘nalishlari ro‘yxati ta’lim sohalarining xususiyatlaridan kelib chiqqan holda Oliy ta’lim, fan va innovatsiyalar vazirligi tomonidan tasdiqlanadi.

Bunda diplom loyihasi va bitiruv malakaviy ishi himoya qilinmaydigan bakalavriat ta’lim yo‘nalishlari bitiruvchilariga ularning xohishidan kelib chiqib, diplom loyihasi yoki bitiruv malakaviy ishi himoya qilinishiga ruxsat beriladi;

yakuniy davlat attestatsiya komissiyasi a’zoligiga jalb etilgan mutaxassislarga qonunchilik hujjatlariga muvofiq mehnatga soatbay haq to‘lash miqdorlari asosida haq to‘lanadi hamda ularning asosiy ish joylaridagi ish haqlari saqlab qolinadi;

kasbiy ta’lim tashkilotlari bitiruvchilari kompetensiyasini ko‘rgazmali-amaliy imtihon shaklida baholashda talab etiladigan xomashyo va yonilg‘i moylash materiallarini xarid qilish bilan bog‘liq xarajatlar tegishli ta’lim tashkilotlariga respublika budjetidan ajratilgan mablag‘lar, to‘lov-kontrakt hamda budjetdan tashqari mablag‘lar hisobidan moliyalashtiriladi.

4. Oliy ta’lim, fan va innovatsiyalar vazirligi:

ish beruvchi korxona va tashkilotlarni oliy va kasbiy ta’lim tashkilotlari bitiruvchilarining bilimi, ko‘nikmasi va malakasini baholash jarayonlariga faol jalb etsin;

oliy va kasbiy ta’lim tashkilotlari bitiruvchilarining attestatsiyasini tashkil etishda ish beruvchi korxona va tashkilotlarga har tomonlama uslubiy jihatdan ko‘maklashsin hamda ularning bu boradagi faoliyatini muvofiqlashtirib borsin;

kasbiy ta’lim tashkilotlarida attestatsiyani tashkil etishdan kamida bir oy oldin Kambag‘allikni qisqartirish va bandlik vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar takliflari asosida bitiruvchilarning attestatsiyasi o‘tkaziladigan korxona va tashkilotlar hamda ta’lim tashkilotlari ro‘yxatini tasdiqlasin va e’lon qilsin;

2025-yil 1-yanvardan boshlab kasbiy ta’lim tashkilotlari pedagog kadrlarining malakasini oshirish o‘quv rejalariga “Germaniya tajribasi” asosida bitiruvchilarni baholash bo‘yicha o‘quv kursini kiritsin.

5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:

har o‘quv yili yakunida oliy va kasbiy ta’lim tashkilotlarida tashkil etiladigan attestatsiyaga ish beruvchi korxona va tashkilotlar vakillari jalb etilishiga ko‘maklashsin;

har yili 1-noyabrga qadar kasbiy ta’lim tashkilotlari bitiruvchilarining ko‘rgazmali-amaliy imtihonlari o‘tkaziladigan tashkilotlar bo‘yicha Oliy ta’lim, fan va innovatsiyalar vazirligiga takliflar kiritsin.

6. Oliy ta’lim, fan va innovatsiyalar vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish O‘zbekiston Respublikasi oliy ta’lim, fan va innovatsiyalar vaziri K.A. Sharipov zimmasiga yuklansin.

O‘zbekiston Respublikasida uzluksiz boshlang‘ich, o‘rta va o‘rta maxsus professional ta’lim tizimini tartibga soluvchi normativ-huquqiy hujjatlarni tasdiqlash to‘g‘risida

O‘zbekiston Respublikasi Prezidentining “Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida” 2019-yil 6-sentabrdagi PF-5812-son Farmoni ijrosini ta’minlash maqsadida Vazirlar Mahkamasi qaror qiladi:

1. Quyidagilar:

O‘zbekiston Respublikasida uzluksiz boshlang‘ich, o‘rta va o‘rta maxsus professional ta’lim to‘g‘risidagi nizom 1-ilovaga muvofiq;

Boshlang‘ich professional ta’lim bosqichida kadrlar tayyorlaydigan kasb-hunar maktablarining namunaviy ustavi 2-ilovaga muvofiq;

O‘rta professional ta’lim bosqichida kadrlar tayyorlaydigan kollejlarning namunaviy ustavi 3-ilovaga muvofiq;

O‘rta maxsus professional ta’lim bosqichida kadrlar tayyorlaydigan texnikumlarning namunaviy ustavi 4-ilovaga muvofiq tasdiqlansin.

2. Tizimida o‘rta va o‘rta maxsus professional ta’lim bosqichida kadrlar tayyorlaydigan kollejlar va texnikumlar bo‘lgan vazirliklar, idoralar va xo‘jalik birlashmalari tasdiqlangan namunaviy ustav asosida ta’lim muassasalarining ustavlarini ishlab chiqsinlar hamda ularning faoliyati yo‘lga qo‘yilishini ta’minlasinlar.

3. O‘zbekiston Respublikasi Hukumatining 5-ilovaga muvofiq ayrim qarorlari o‘z kuchini yo‘qotgan deb hisoblansin.

4. Vazirlar Mahkamasining “2020-yil uchun O‘zbekiston Respublikasi Davlat budjetining barqarorligini ta’minlash va xarajatlarini maqbullashtirish bo‘yicha qo‘shimcha chora-tadbirlar to‘g‘risida” 2020-yil 16-apreldagi 232-son qaroriga muvofiq kasb-hunar maktablarida boshlang‘ich professional ta’lim dasturlari asosida ta’lim oladigan o‘quvchilarga O‘zbekiston Respublikasi Davlat budjeti hisobidan bazaviy hisoblash miqdorining bir baravari miqdorida oylik stipendiya hamda uch mahal ovqat bilan ta’minlash tartibi 2021/2022 o‘quv yilidan joriy etilishi ma’lumot uchun qabul qilinsin.

Kasbiy ta’lim tashkilotlari o‘quvchilarining ishlab chiqarish amaliyotini tashkil etish tizimini yanada takomillashtirish chora-tadbirlari to‘g‘risida

O‘zbekiston Respublikasi Prezidentining “Kasbiy ta’limda malakali kadrlar tayyorlash tizimini yanada takomillashtirish va xalqaro ta’lim dasturlarini joriy qilish chora-tadbirlari to‘g‘risida” 2024-yil 16-oktabrdagi PF-158-son Farmoni ijrosini ta’minlash maqsadida Vazirlar Mahkamasi qaror qiladi:

1. O‘zbekiston Respublikasi Oliy ta’lim, fan va innovatsiyalar vazirligi, Kambag‘allikni qisqartirish va bandlik vazirligi hamda Savdo-sanoat palatasining 2025-yil 1-yanvardan boshlab kasbiy ta’lim tashkilotlarida o‘quvchilarning nazariy bilimlarini amaliyotda mustahkamlash, xorijiy davlatlarning ilg‘or tajribalari asosida ishlab chiqarish amaliyotining quyidagilarni nazarda tutuvchi yangi tartibini joriy etish to‘g‘risidagi taklifiga rozilik berilsin:

o‘quvchilar uchun ishlab chiqarish amaliyoti va diplom oldi amaliyoti o‘rniga yagona ishlab chiqarish amaliyoti tizimini joriy etish;

ishlab chiqarish amaliyotini o‘taydigan o‘quvchilarga tegishli tashkilotlardagi malakali mutaxassislarni “ustoz” sifatida biriktirish;

o‘quvchilarning amaliyot jarayonida egallangan amaliy ko‘nikmalarini ish beruvchilar bilan birgalikda baholash tizimini yo‘lga qo‘yish.

2. Quyidagilarni nazarda tutuvchi Kasbiy ta’lim tashkilotlari o‘quvchilarining ishlab chiqarish amaliyotini tashkil etish tartibi to‘g‘risidagi nizom 1-ilovaga muvofiq tasdiqlansin:

amaliyot dasturlarini tegishli tarmoq va soha korxonalari (tashkilotlari) bilan kelishilgan holda ishlab chiqish hamda tasdiqlash;

amaliyotni tegishli tarmoq va soha korxonalarida (tashkilotlarida) tashkil etish;

kasbiy ta’lim tashkilotlari va ish beruvchilarning amaliyotlarni tashkil etish bo‘yicha vazifalarini belgilash.

3. O‘zbekiston Respublikasi Oliy ta’lim, fan va innovatsiyalar vazirligi:

2025-yil 1-yanvardan boshlab kasbiy ta’lim tashkilotlarida o‘quvchilarning ishlab chiqarish amaliyotlarini tegishli tarmoq va soha korxonalarida (tashkilotlarida) tashkil etsin;

Kambag‘allikni qisqartirish va bandlik vazirligi bilan birgalikda ishlab chiqarish amaliyotini tashkil etish jarayonida o‘quvchilarga korxonalardan (tashkilotlardan) tajribali mutaxassislar “ustoz” sifatida biriktirilishini ta’minlasin;

korxonalardan (tashkilotlardan) biriktirilgan “ustoz”lar uchun ishlab chiqarish amaliyotini tashkil etish bo‘yicha Oliy ta’lim, fan va innovatsiyalar vazirligi huzuridagi Professional ta’limni rivojlantirish institutida “Germaniya tajribasi” asosida masofaviy (onlayn) o‘quv kurslarini tashkil etsin;

har yili 1-oktabrga qadar “Yagona milliy mehnat tizimi” idoralararo dasturiy-apparat kompleksiga kiritilgan korxona (tashkilot)lar bilan kasbiy ta’lim tashkilotlari o‘quvchilari o‘rtasida ishlab chiqarish amaliyotini o‘tash yuzasidan shartnomalar tuzish maqsadida hamkorlikni yo‘lga qo‘ysin.

4. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hududdagi korxonalarning (tashkilotlarning) mavjud imkoniyatlari va takliflari asosida doimiy ravishda o‘quvchilarning ishlab chiqarish amaliyotini o‘tkazish yuzasidan shartnomalar tuzishda kasbiy ta’lim tashkilotlariga ko‘maklashsin.

5. O‘zbekiston Respublikasi Hukumatining 2-ilovaga muvofiq ayrim qarorlari o‘z kuchini yo‘qotgan deb hisoblansin.

6. O‘zbekiston Respublikasi Oliy ta’lim, fan va innovatsiyalar vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish O‘zbekiston Respublikasi oliy ta’lim, fan va innovatsiyalar vaziri K.A. Sharipov zimmasiga yuklansin.

Professional ta’lim tizimida dual ta’limni tashkil etish chora-tadbirlari haqida

“Ta’lim to‘g‘risida”gi O‘zbekiston Respublikasi Qonuniga muvofiq yoshlarning kasblar va mutaxassisliklarni egallashga bo‘lgan qiziqishlarini qo‘llab-quvvatlash uchun keng imkoniyatlar yaratish hamda professional ta’lim tizimida dual ta’limni tashkil etish maqsadida Vazirlar Mahkamasi qaror qiladi:

1. O‘zbekiston Respublikasi Oliy va o‘rta maxsus ta’lim vazirligi hamda Bandlik va mehnat munosabatlari vazirligining 2021/2022 o‘quv yilidan boshlab professional ta’lim tizimida dual ta’limni tashkil etish to‘g‘risidagi taklifiga rozilik berilsin.

2. Quyidagilarni nazarda tutuvchi Professional ta’lim tizimida dual ta’limni tashkil etish tartibi to‘g‘risidagi nizom ilovaga muvofiq tasdiqlansin:

dual ta’limni tashkil etish va uning bosqichlarini;

dual ta’limda o‘quv jarayoni va ishlab chiqarish amaliyotini olib borish tartibini;

dual ta’lim ishtirokchilarining vazifalari, huquq va majburiyatlarini belgilash.

3. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirliklar va idoralar:

har yili 1-martga qadar iqtisodiyot tarmoqlarida tegishli kasblar va mutaxassisliklar bo‘yicha o‘rta bo‘g‘in kadrlariga bo‘lgan ehtiyojni muntazam o‘rganib, dual ta’lim tizimini tashkil etish hamda bitiruvchilar bandligini ta’minlash yuzasidan tegishli chora-tadbirlarni belgilasin;

har yili 1-aprelga qadar dual ta’lim tashkil etiladigan tashkilotlar bo‘yicha Oliy va o‘rta maxsus ta’lim vazirligiga takliflar kiritib borsin.

4. O‘zbekiston Respublikasi Oliy va o‘rta maxsus ta’lim vazirligi, tizimida professional ta’lim muassasalari bo‘lgan vazirliklar va idoralar:

har yili tasdiqlangan reja asosida o‘quvchilarni dual ta’lim dasturlari asosida o‘qishga jalb etish bo‘yicha kasbga yo‘naltirish ishlarini tashkil etsin;

dual ta’lim tashkil etiladigan tashkilot va professional ta’lim muassasasida ta’lim jarayonini tashkil etish yuzasidan hamkorlikni yo‘lga qo‘ysin hamda kelishilgan o‘quv rejasi va o‘quv jarayoni grafigini tasdiqlasin;

o‘quvchilarni haftada kamida ikki kun professional ta’lim muassasalaridagi o‘quv jarayonlarida ishtirok etishlarini va qolgan ish kunlarida tegishli tashkilotlarda amaliy mashg‘ulotlar bilan birga mehnat faoliyati olib borishlarini ta’minlasin;

professional ta’lim muassasalarida dual ta’lim jarayonini tashkil etilishi ustidan tizimli nazorat o‘rnatsin;

dual ta’limni takomillashtirish va metodik ta’minotini mustahkamlash yuzasidan ilg‘or xalqaro tajribalarni tizimli o‘rganish ishlarini tashkil etsin.

5. O‘zbekiston Respublikasi Oliy va o‘rta maxsus ta’lim vazirligi har yili tizimida professional ta’lim muassasalari bo‘lgan vazirliklar va idoralar bilan kelishilgan holda dual ta’lim tashkil etiladigan professional ta’lim muassasalarini belgilasin.

6. O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasi tomonidan Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hamda tizimida professional ta’lim muassasalari bo‘lgan vazirliklar va idoralarning takliflari asosida dual ta’lim bo‘yicha professional ta’lim muassasalariga o‘quvchilarni o‘qishga qabul qilish parametrlari tasdiqlanadi.

7. O‘zbekiston Respublikasi Oliy va o‘rta maxsus ta’lim vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari B.A. Musayev hamda O‘zbekiston Respublikasi oliy va o‘rta maxsus ta’lim vaziri A.H. Toshkulov zimmasiga yuklansin.

Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida

2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan vazifalarni amalga oshirish, mehnat bozori talablariga mos yuqori malakali kadrlarni tayyorlash, ta’lim sifatini baholashning xalqaro standartlarini joriy etish, innovatsion ilm-fan yutuqlarini amaliyotga tatbiq etishning samarali mexanizmlarini yaratish orqali mamlakatda ta’lim tizimini isloh qilish bo‘yicha izchil ishlar amalga oshirilmoqda.

Shu bilan birga, professional ta’lim dasturlari YUNESKO tashkiloti tomonidan qabul qilingan Ta’limning xalqaro standart tasniflagichi (MSKO) darajalari bilan uyg‘unlashmaganligi, o‘quv jarayoniga O‘zbekistonning Milliy kvalifikatsiya tizimi to‘laqonli joriy etilmaganligi tayyorlanayotgan kadrlarning mehnat bozorida munosib o‘rin egallashlariga to‘sqinlik qilmoqda.

Professional ta’lim tizimini ilg‘or xorijiy tajribalar asosida takomillashtirish, boshlang‘ich, o‘rta va o‘rta maxsus professional ta’lim bosqichlarini joriy qilish orqali mehnat bozori uchun malakali va raqobatbardosh kadrlar tayyorlash hamda mazkur jarayonga ish beruvchilarni keng jalb qilish maqsadida:

1. 2020/2021 o‘quv yilidan boshlab O‘zbekiston Respublikasida Ta’limning xalqaro standart tasniflagichi (keyingi o‘rinlarda — Xalqaro tasniflagich) darajalari bilan uyg‘unlashgan yangi boshlang‘ich, o‘rta va o‘rta maxsus professional ta’lim tizimi hamda tabaqalashtirilgan ta’lim dasturlari joriy etiladigan ta’lim muassasalari tarmog‘i tashkil etilsin.

2. Quyidagilar:

Xalqaro tasniflagichning 3-darajasiga mos keluvchi ta’lim dasturlari asosida 9-sinf bitiruvchilarini ijtimoiy qo‘llab-quvvatlashga qaratilgan boshlang‘ich professional ta’lim bosqichida kadrlar tayyorlaydigan ta’lim muassasalari ro‘yxati 1-ilovaga muvofiq;

Keyingi tahrirga qarang.

Xalqaro tasniflagichning 4-darajasiga mos keluvchi ta’lim dasturlari asosida o‘rta professional ta’lim bosqichida kadrlar tayyorlaydigan ta’lim muassasalari ro‘yxati 2-ilovaga muvofiq;

Keyingi tahrirga qarang.

Xalqaro tasniflagichning 5-darajasiga mos keluvchi ta’lim dasturlari asosida oliy ta’lim tizimi bilan integratsiyalashgan o‘rta maxsus professional ta’lim bosqichida kadrlar tayyorlaydigan, oliy ta’lim muassasalari huzurida faoliyat yuritadigan ta’lim muassasalari ro‘yxati 3-ilovaga muvofiq;

Keyingi tahrirga qarang.

Kasbga o‘qitish markazlarini tashkil etish uchun O‘zbekiston Respublikasi Bandlik va mehnat munosabatlari vazirligi tizimiga o‘tkaziladigan kasb-hunar kollejlari ro‘yxati 4-ilovaga muvofiq;

Oliy ta’lim muassasalari quvvatlarini oshirish, istiqbolda xorijiy oliy ta’lim muassasalari va ularning filiallarini tashkil etish uchun beriladigan kasb-hunar kollejlari ro‘yxati 5-ilovaga muvofiq;

Oliy ta’lim muassasalarining ko‘p tarmoqli o‘quv markazlari va amaliyot poligonlarini tashkil etish uchun beriladigan kasb-hunar kollejlari ro‘yxati 6-ilovaga muvofiq;

Binolari umumiy o‘rta ta’lim muassasalari sifatida foydalaniladigan kasb-hunar kollejlari ro‘yxati 7-ilovaga muvofiq tasdiqlansin.

O‘zbekiston Respublikasi Vazirlar Mahkamasiga zarur hollarda ushbu band bilan tasdiqlangan ro‘yxatlarga o‘zgartirish va qo‘shimchalar kiritish huquqi berilsin.

3. Belgilab qo‘yilsinki:

a) boshlang‘ich, o‘rta va o‘rta maxsus professional ta’lim muassasalariga Xalqaro tasniflagich bo‘yicha asosiy ta’lim dasturlaridan tashqari quyi darajadagi ta’lim dasturlari bo‘yicha kadrlar tayyorlash huquqi beriladi;

Keyingi tahrirga qarang.

b) tizimda mos ravishda boshlang‘ich, o‘rta va o‘rta maxsus professional ta’lim dasturlari joriy etilgan kasb-hunar maktablari, kollejlar va texnikumlardan iborat professional ta’lim muassasalari tarmog‘i tashkil etiladi;

Keyingi tahrirga qarang.

v) kasb-hunar maktablarida:

kadrlar tayyorlash umumta’lim muassasalarining 9-sinf bitiruvchilari hisobidan shakllantirilgan guruhlarda 2 yillik umumta’lim va mutaxassislik fanlarining integratsiyalashgan dasturlari asosida kunduzgi ta’lim shaklida amalga oshiriladi;

Oldingi tahrirga qarang.

(3-band “v” kichik bandining uchinchi xatboshisi O‘zbekiston Respublikasi Prezidentining 2021-yil 30-dekabrdagi PF-45-sonli Farmoniga asosan chiqarilgan — Qonunchilik ma’lumotlari milliy bazasi, 30.12.2021-y., 06/21/45/1228-son)

joriy saqlash, faoliyatni yuritish, moddiy-texnik bazani mustahkamlash va kadrlar tayyorlash xarajatlari O‘zbekiston Respublikasi Davlat budjeti mablag‘lari hisobidan amalga oshiriladi;

Keyingi tahrirga qarang.

g) kollejlarda:

kadrlar tayyorlash Xalqaro tasniflagichning kamida 3-darajasiga mos ta’lim dasturlarini tamomlagan, “Hayot davomida ta’lim olish” prinsipi asosida kamida umumiy o‘rta ma’lumotga ega bo‘lgan shaxslar hisobidan kasblar va mutaxassisliklarning murakkabligidan kelib chiqqan holda 2 yilgacha muddatda kunduzgi, kechki va sirtqi ta’lim shakllarida davlat buyurtmasi hamda to‘lov-kontrakt asosida amalga oshiriladi;

joriy saqlash, faoliyatni yuritish, moddiy-texnik bazani mustahkamlash va kadrlar tayyorlash xarajatlari tegishli vazirlik, idoralarning budjetdan tashqari mablag‘lari, o‘quvchilarni davlat buyurtmasi va to‘lov-kontrakt asosida o‘qitishdan tushadigan mablag‘lar hamda qonunchilikda taqiqlanmagan boshqa manbalar hisobidan amalga oshiriladi;

d) texnikumlarda:

kadrlar tayyorlash Xalqaro tasniflagichning kamida 3 yoki 4-darajasiga mos ta’lim dasturlarini tamomlagan, “Hayot davomida ta’lim olish” prinsipi asosida kamida umumiy o‘rta ma’lumotga ega bo‘lgan shaxslar hisobidan shakllantirilgan guruhlarda kasblar va mutaxassisliklarning murakkabligidan kelib chiqqan holda 2 yildan kam bo‘lmagan muddatda kunduzgi, kechki va sirtqi ta’lim shakllarida davlat buyurtmasi hamda to‘lov-kontrakt asosida amalga oshiriladi;

Keyingi tahrirga qarang.

o‘rta maxsus ta’lim dasturlarini muvaffaqiyatli tamomlagan bitiruvchilar o‘z sohasiga mos bakalavriat ta’lim yo‘nalishlari bo‘yicha kirish imtihonlarisiz yakka tartibdagi suhbat orqali oliy ta’lim muassasalarida 2-kursdan o‘qishini davom ettirish huquqiga ega bo‘ladi.

Keyingi tahrirga qarang.

e) kasb-hunar maktablari, kollejlar va texnikumlarga idoraviy bo‘ysunuvidan qat’i nazar o‘quv-metodik rahbarlik qilish hamda bu sohada davlat siyosatini yuritish O‘zbekiston Respublikasi Oliy va o‘rta maxsus ta’lim vazirligi tomonidan amalga oshiriladi.

Keyingi tahrirga qarang.

4. O‘zbekiston Respublikasi Moliya vazirligi 2020-yil 1-yanvardan yangi tashkil etiladigan boshlang‘ich, o‘rta va o‘rta maxsus professional ta’lim muassasalarining ta’minotiga, shu jumladan ularning joriy saqlanishiga, faoliyatini yuritishiga, moddiy-texnik bazasini mustahkamlashga Davlat budjeti parametrlari doirasida zarur moliyalashtirishni nazarda tutsin.

5. O‘zbekiston Respublikasi Xalq ta’limi vazirligi hamda Vazirlar Mahkamasi huzuridagi Ta’lim sifatini nazorat qilish davlat inspeksiyasining umumiy o‘rta ta’lim muassasalarining 10-11-sinflari o‘quvchilariga kasbiy ta’lim berishga ixtisoslashgan o‘quv-ishlab chiqarish majmualarini tugatish to‘g‘risidagi taklifiga rozilik berilsin.

Belgilansinki, umumiy o‘rta ta’lim muassasalarining 10-11-sinflari o‘quvchilariga kasbiy ta’lim berishga ixtisoslashgan o‘quv-ishlab chiqarish majmualari tugatilishi hisobiga bo‘shaydigan mablag‘lar professional ta’lim tizimini moliyalashtirishga yo‘naltiriladi.

6. O‘zbekiston Respublikasi Bandlik va mehnat munosabatlari vazirligi, Iqtisodiyot va sanoat vazirligi, Savdo-sanoat palatasi manfaatdor vazirlik va idoralar bilan birgalikda:

a) ikki oy muddatda Milliy kvalifikatsiya tizimiga muvofiq Xizmatchilarning asosiy lavozimlari va ishchi kasblari klassifikatorini qayta ko‘rib chiqsin;

b) ilg‘or xorijiy tajribalar asosida:

uch oy muddatda O‘zbekiston Respublikasida milliy kvalifikatsiya ramkasini;

2020-yil 1-yanvargacha iqtisodiyotning barcha tarmoqlari uchun Kvalifikatsion ramkalarni;

2020-yil 1-aprelgacha Milliy professional standartlarni ishlab chiqsin va amaliyotga joriy etsin.

7. O‘zbekiston Respublikasi Oliy va o‘rta maxsus ta’lim vazirligi:

a) quyidagilarni:

ikki oy muddatda Uzluksiz boshlang‘ich, o‘rta va o‘rta maxsus professional ta’limi to‘g‘risidagi nizomni tasdiqlashni;

uch oy muddatda kasb-hunar maktablari, kollejlar va texnikumlarning namunaviy ustavlarini tasdiqlashni;

2020-yil 1-yanvargacha hududlarda investitsion loyihalar asosida yaratilayotgan ish o‘rinlari, kadrlarga bo‘lgan real ehtiyojlardan kelib chiqib, ta’lim muassasalarining ixtisoslashuvini inobatga olib, mavjud jihozlarni qayta taqsimlashni;

2020-yil 1-aprelgacha idoraviy bo‘ysunuvidan qat’i nazar professional ta’lim muassasalarining o‘qituvchi va ishlab chiqarish ta’lim ustalarini qayta tayyorlash va malakasini oshirishning yangi tizimini joriy etishni nazarda tutuvchi hukumat qarori loyihalarini O‘zbekiston Respublikasi Vazirlar Mahkamasiga kiritsin;

b) 2020-yil 1-iyungacha boshlang‘ich, o‘rta va o‘rta maxsus professional ta’lim tizimi uchun ta’lim dasturlarini ishlab chiqsin va tasdiqlasin.

8. O‘zbekiston Milliy axborot agentligi, O‘zbekiston Milliy teleradiokompaniyasi ommaviy axborot vositalarida ushbu Farmonning maqsad hamda vazifalarini keng yoritish bo‘yicha chiqishlar va mavzuga oid ko‘rsatuvlarni tashkil etsin.

9. O‘zbekiston Respublikasi Oliy va o‘rta maxsus ta’lim vazirligi, Adliya vazirligi boshqa manfaatdor vazirlik va idoralar bilan birgalikda bir oy muddatda qonun hujjatlariga mazkur Farmondan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.

10. Mazkur Farmonning ijrosini nazorat qilish O‘zbekiston Respublikasi Prezidentining maslahatchisi A.A. Abduvaxitov va O‘zbekiston Respublikasi Bosh vazirining o‘rinbosari A.A. Abduxakimov zimmasiga yuklansin.

Kasbiy ta’limda malakali kadrlar tayyorlash tizimini yanada takomillashtirish va xalqaro ta’lim dasturlarini joriy qilish chora-tadbirlari to‘g‘risida

Kasbiy ta’lim sohasida institutsional yaxlitlikni ta’minlash va boshqaruv tizimi samaradorligini oshirish, xalqaro ta’lim dasturlarini joriy etish hamda ichki va tashqi mehnat bozori talablariga mos raqobatbardosh o‘rta bo‘g‘in kadrlari tayyorlash tizimini isloh qilish maqsadida:

1. Kasbiy ta’lim tizimini takomillashtirishning asosiy yo‘nalishlari etib quyidagilar belgilansin:

kasbiy ta’lim tashkilotlari turlarini maqbullashtirish hamda kasbiy ta’limning barcha darajalari bo‘yicha kadrlar tayyorlaydigan yagona ko‘p tarmoqli o‘quv muassasalari tizimini joriy qilish;

kasbiy ta’lim tashkilotlarining akademik mustaqilligini ta’minlash hamda ularning iqtisodiyot tarmoqlari talablariga mos kadrlar tayyorlash imkoniyatini kengaytirish;

kasbiy ta’lim sohasida zamonaviy boshqaruv tizimini joriy qilish, o‘rta bo‘g‘in kadrlarini tayyorlash jarayonlariga manfaatdor vazirlik va idoralarni keng jalb qilish, ularning ta’lim tashkilotlari bilan hamkorligini kuchaytirish;

kasbiy ta’lim tashkilotlari o‘quv jarayoniga xalqaro ta’lim dasturlarini joriy qilish, o‘qitish yakuni bo‘yicha beriladigan ta’lim to‘g‘risidagi hujjatlarning xorijiy davlatlarda tan olinishini ta’minlash;

kasbiy ta’lim tashkilotlarida o‘quv jarayonlarini bosqichma-bosqich raqamlashtirish, kasbiy ta’lim sifati va samaradorligini oshirishga qaratilgan maxsus elektron platformani joriy qilish;

kasbiy ta’lim tashkilotlarini zarur o‘quv adabiyotlari, uslubiy qo‘llanmalar va raqamli kontentlar bilan ta’minlash, ularning laboratoriya va ustaxonalarini eng zamonaviy uskunalar bilan jihozlash;

kasbiy ta’lim tashkilotlari bitiruvchilarining ko‘nikma va kompetensiyalarini baholash tizimini tubdan yangilash, ushbu jarayonda ish beruvchilar vakillari faol ishtirok etishi uchun qulay shart-sharoitlar yaratish.

2. “Ta’lim sohasidagi loyihalar markazi” loyiha ofisi hamda Oliy ta’lim, fan va innovatsiyalar vazirligining kasbiy ta’lim tashkilotlarining amaldagi turlarini maqbullashtirish hamda kasbiy ta’limning barcha darajalari bo‘yicha kadrlar tayyorlaydigan yagona texnikumlar tarmog‘ini tashkil etish to‘g‘risidagi taklifi ma’qullansin.

Belgilansinki, texnikumlarda:

kadrlar tayyorlash Ta’limning xalqaro standart tasniflagichi va O‘zbekiston milliy malaka tizimi talablariga mos ravishda tashkil etiladi;

boshlang‘ich, o‘rta va o‘rta maxsus kasbiy ta’lim dasturlari bo‘yicha kadrlar tayyorlash yo‘lga qo‘yiladi, shuningdek, malaka va kompetensiyalar bo‘yicha qisqa muddatli o‘quv kurslari tashkil etiladi;

boshlang‘ich kasbiy ta’lim dasturlari bo‘yicha kadrlar tayyorlash umumiy o‘rta ta’lim tashkilotining 9-sinfini tamomlagan o‘quvchilar uchun — davlat granti asosida, kamida umumiy o‘rta ma’lumotga ega bo‘lgan boshqa talabgorlar uchun — to‘lov-kontrakt asosida amalga oshiriladi;

o‘rta va o‘rta maxsus kasbiy ta’lim dasturlari bo‘yicha kadrlar tayyorlash davlat granti va to‘lov-kontrakt asosida tashkil etiladi;

turli darajadagi kasbiy ta’lim dasturlarining o‘zaro muvofiqligi va uzviyligi ta’minlanadi hamda ta’lim dasturlari bo‘yicha o‘qitish muddatlari o‘quvchi tomonidan oldin o‘zlashtirilgan modullardan kelib chiqib belgilanadi;

o‘rta maxsus kasbiy ta’lim dasturlarining bitiruvchilariga o‘zlashtirgan modullari, to‘plagan kreditlari va oliy ta’lim tashkiloti tomonidan belgilangan ballar o‘rtacha qiymatidan (GPA) kelib chiqib, bakalavriatning tegishli bosqichidan o‘qishni davom ettirishga ruxsat etiladi;

zarur metodik va pedagogik ta’minot, o‘quv va laboratoriya xonalari, ustaxona jihozlari, amaliyot bazalari hamda ish beruvchilarning buyurtmalari mavjud bo‘lgan taqdirda, oldin o‘qitish yo‘lga qo‘yilmagan ta’lim darajalari bo‘yicha kadrlar tayyorlashni yo‘lga qo‘yishga ruxsat etiladi.

3. Quyidagilar:

2025-yil 1-yanvardan boshlab negizida texnikumlar tashkil etiladigan kasbiy ta’lim tashkilotlari ro‘yxati 1-ilovaga muvofiq;

Texnikumlar faoliyatini moliyalashtirish tartibi 2-ilovaga muvofiq;

Negizida maktabgacha, maktab va maktabdan tashqari ta’lim tashkilotlari tashkil etiladigan kasbiy ta’lim tashkilotlari ro‘yxati 3-ilovaga muvofiq tasdiqlansin.

Mazkur Farmonning 1-ilovasida ko‘rsatilgan oliy ta’lim muassasalari zimmasiga ularga biriktirilgan texnikumlarga o‘quv-uslubiy yordam ko‘rsatish, ta’lim sifatini oshirish hamda ularning moddiy-texnik bazasini yaxshilash vazifalari yuklansin.

Maktabgacha va maktab ta’limi vazirligi (X. Umarova) Oliy ta’lim, fan va innovatsiyalar vazirligi (K. Sharipov) bilan birgalikda mazkur Farmonning 3-ilovasida ko‘rsatilgan kasbiy ta’lim tashkilotlarining o‘quvchilariga amaldagi ta’lim dasturlari bo‘yicha o‘qishini yakunlashi uchun zarur sharoit yaratsin.

4. Kasbiy malakalarni rivojlantirish bo‘yicha respublika kengashi (A. Aripov) 2025-yil 1-sentabrga qadar ta’lim va ishlab chiqarishning o‘zaro integratsiyasini ta’minlash maqsadida respublika ijro etuvchi hokimiyat organlari va xo‘jalik birlashmalarini 4-ilovaga muvofiq kadrlar buyurtmachisi va sanoat hamkori sifatida texnikumlarga biriktirsin.

Belgilansinki:

respublika ijro etuvchi hokimiyat organlari va xo‘jalik birlashmalari zimmasiga texnikumlarni rivojlantirish uchun zarur moliyaviy resurslarni yo‘naltirish, xalqaro ta’lim dasturlarini joriy etish, o‘quvchilar uchun amaliyot bazalarini tashkil etish, dual ta’lim shaklida kadrlar tayyorlash, rahbar va pedagog kadrlarni moddiy rag‘batlantirish hamda ularning stajirovkasini tashkil etish vazifalari yuklanadi;

respublika ijro etuvchi hokimiyat organlari va xo‘jalik birlashmalariga mazkur Farmon bilan ular zimmasiga yuklangan vazifalarni amalga oshirish uchun budjetdan tashqari hamda qonunchilikda taqiqlanmagan boshqa mablag‘larni 5-ilovadagi xarajatlarga yo‘naltirish huquqi beriladi.

5. Belgilab qo‘yilsinki, 2025/2026 o‘quv yilidan boshlab texnikumlarga:

ta’lim dasturlari doirasida ishlab chiqilgan ishchi o‘quv rejasi va dasturlarini qayta ko‘rib chiqishga, shu jumladan, buyurtmachilarning takliflariga muvofiq fanlarni bir-biriga integratsiya qilishga hamda ajratilgan soatlar doirasida mutaxassislik va umumkasbiy fan (modul)larning soatlarini 30 foizgacha o‘zgartirishga;

Oliy ta’lim, fan va innovatsiyalar vazirligi bilan kelishilgan holda yetakchi xorijiy ta’lim tashkilotlari ishtirokida to‘lov-kontrakt asosidagi qo‘shma ta’lim dasturlarini joriy qilishga;

mahalliy va xorijiy ish beruvchilar bilan to‘lov-kontrakt asosida kadrlar tayyorlash va qisqa muddatli o‘quv kurslarini tashkil etish bo‘yicha to‘g‘ridan-to‘g‘ri shartnomalar tuzishga, ushbu dastur va kurslarning ta’lim tili va o‘qitish qiymatini mustaqil belgilashga;

Bandlikka ko‘maklashish davlat jamg‘armasi mablag‘lari hisobidan turli yoshdagi fuqarolar va ishsizlarni kasb-hunar, xorijiy tillar va tadbirkorlikka o‘qitish bo‘yicha qisqa muddatli o‘quv kurslarini tashkil qilishga;

kasbiy ko‘nikmalar markazlaridan amaliyot bazalari sifatida bepul foydalanishga ruxsat beriladi.

6. Texnikumlarda o‘rta bo‘g‘in kadrlarini tayyorlashning shunday tartibi joriy etilsinki, unga muvofiq:

a) texnikumlarga o‘qishga qabul qilishning davlat buyurtmasi parametrlari har yili 1-martga qadar tasdiqlanadi. Bunda:

texnikumlarda o‘tkaziladigan kirish imtihonlari shakli 4-ilovadagi kadrlar buyurtmachilari va sanoat hamkorlari bilan kelishgan holda Oliy ta’lim, fan va innovatsiyalar vazirligi tomonidan belgilanadi;

dual ta’lim shaklida o‘quvchilarni qabul qilish ish beruvchilar bilan tuzilgan shartnomalar asosida to‘g‘ridan-to‘g‘ri amalga oshiriladi;

b) 2025-yil 1-yanvardan boshlab:

kasbiy ta’lim dasturlari kasbiy standartlar asosida ishlab chiqiladi hamda kasbiy malakalarni rivojlantirish bo‘yicha tarmoq kengashlari, tadbirkorlik subyektlari birlashmalari, yirik ish beruvchilar va uyushmalar bilan kelishilganidan so‘ng amaliyotga kiritiladi;

bitiruvchilarni yakuniy baholash soha ekspertlari, kasbiy malakalarni rivojlantirish bo‘yicha tarmoq kengashlari, baholash tashkilotlari, ish beruvchilar, uyushmalar va tadbirkorlik subyektlari birlashmalari vakillari ishtirokida demonstratsion imtihonlar shaklida amalga oshiriladi;

kasbiy ta’lim tashkilotlari bitiruvchilariga davlat namunasidagi hujjatlarni berishning yagona tartibi joriy etiladi. Bunda kasbiy ta’lim dasturlarini o‘zlashtirgan shaxslarga — diplomlar, qisqa muddatli kurslar bitiruvchilariga — o‘qigan moduliga qarab tegishincha kompetensiyani (malakani) egallaganlik to‘g‘risidagi sertifikatlar beriladi;

v) 2026-yil 1-yanvardan boshlab o‘rta bo‘g‘in kadrlariga bo‘lgan talab Oliy ta’lim, fan va innovatsiyalar vazirligining “Kasbiy ta’lim” platformasi orqali shakllantiriladi.

7. Oliy ta’lim, fan va innovatsiyalar vazirligi (K. Sharipov) Raqamli texnologiyalar vazirligi (Sh. Shermatov) bilan birgalikda 2025-yil 1-sentabrga qadar:

“Kasbiy ta’lim” platformasini ishlab chiqsin va amaliyotga joriy qilsin hamda uning “Elektron hukumat” tizimi bilan integratsiyasini ta’minlasin;

barcha yuridik va jismoniy shaxslarga “Kasbiy ta’lim” platformasidan ochiq va bepul foydalanish imkoniyatini yaratsin.

8. Quyidagilar:

“Kasbiy ta’lim” platformasining faoliyat yuritish tartibi 6-ilovaga muvofiq;

“Kasbiy ta’lim” platformasi orqali kadrlarga bo‘lgan ehtiyojni shakllantirish tartibi 6.1-ilovaga muvofiq tasdiqlansin.

Respublika va mahalliy ijro etuvchi hokimiyat organlari rahbarlari “Kasbiy ta’lim” platformasiga zarur ma’lumotlarni to‘liq va o‘z vaqtida kiritish bo‘yicha shaxsiy javobgar etib belgilansin.

9. Oliy ta’lim, fan va innovatsiyalar vazirligi va “Ta’lim sohasidagi loyihalar markazi” loyiha ofisining 2025/2026 o‘quv yilidan boshlab 7-ilovadagi texnikumlarda xalqaro ta’lim dasturlarini joriy qilish to‘g‘risidagi taklifi ma’qullansin.

Belgilansinki:

7-ilovadagi texnikumlarga to‘liq akademik mustaqillik beriladi va ularning faoliyati 8-ilovadagi tartibga muvofiq tashkil etiladi;

7-ilovadagi texnikumlarda 9-ilovaga muvofiq kvalifikatsiyalar bo‘yicha kadrlar tayyorlash yo‘lga qo‘yiladi;

xalqaro ta’lim dasturlari asosida ta’lim olgan va imtihonlarni muvaffaqiyatli topshirgan o‘quvchilarga xalqaro ta’lim dasturlari bo‘yicha diplom (sertifikat) hamda kasbiy ta’lim to‘g‘risida davlat namunasidagi diplom beriladi;

7-ilovadagi texnikumlarni saqlash xarajatlari Davlat budjetidan birinchi darajali budjet mablag‘larini taqsimlovchi sifatida Oliy ta’lim, fan va innovatsiyalar vazirligiga ajratiladigan mablag‘lar hisobidan qoplanadi;

Oliy ta’lim, fan va innovatsiyalar vazirligiga texnikumlarda xalqaro ta’lim dasturlarini joriy qilish bo‘yicha xorijiy tashkilotni eng maqbul takliflarni tanlab olish yo‘li bilan to‘g‘ridan-to‘g‘ri shartnoma asosida jalb qilishga ruxsat beriladi.

10. Kasbiy ta’lim tizimida zamonaviy boshqaruv usullarini joriy qilish va texnikumlar rahbar kadrlarini tanlash hamda tayinlash jarayonlari shaffofligini ta’minlash maqsadida:

a) kasbiy ta’lim tizimida yagona davlat siyosatini yuritish bo‘yicha mas’ul organ etib Oliy ta’lim, fan va innovatsiyalar vazirligi belgilansin;

b) mazkur Farmonning 1-ilovasidagi texnikumlar Oliy ta’lim, fan va innovatsiyalar vazirligi tasarrufiga o‘tkazilsin.

Bunda texnikumlarning yer uchastkalari, bino va inshootlari hamda boshqa ko‘chmas mulk obyektlarini boshqa korxona va tashkilotlarga o‘tkazish faqat O‘zbekiston Respublikasi Prezidenti yoki Vazirlar Mahkamasining tegishli hujjati asosida amalga oshirilishi belgilab qo‘yilsin;

v) Oliy ta’lim, fan va innovatsiyalar vazirligiga Iqtisodiyot va moliya vazirligi bilan kelishgan holda davlat texnikumlarida to‘lov-kontrakt asosida o‘qitish qiymatini belgilash vakolati berilsin;

g) 2025-yil 1-yanvardan boshlab texnikumlarning direktor va direktor o‘rinbosari lavozimlariga talabgorlarni ochiq tanlov asosida tanlash tartibi joriy qilinsin. Bunda, belgilab qo‘yilsinki:

tanlov Oliy ta’lim, fan va innovatsiyalar vazirligining maxsus elektron platformasi orqali amalga oshiriladi;

tanlov o‘tkazishga tegishli iqtisodiyot tarmoqlari va ish beruvchilar vakillari jalb etilishi mumkin;

direktor va direktor o‘rinbosarlari bilan ular tomonidan taqdim etilgan strategik rejaga asosan uch yillik mehnat shartnomasi tuziladi;

muddati tugagandan so‘ng direktor va direktor o‘rinbosarlari bilan tuzilgan mehnat shartnomasi strategik rejada belgilangan vazifalarning bajarilganligiga qarab, kelgusi uch yilga uzaytirilishi mumkin.

11. O‘rta bo‘g‘in kadrlarini tayyorlash tizimida amalga oshirilayotgan islohotlarni moliyaviy qo‘llab-quvvatlash maqsadida Oliy ta’lim, fan va innovatsiyalar vazirligi huzurida yuridik shaxs maqomiga ega bo‘lmagan Kasbiy ta’limni rivojlantirish jamg‘armasi (keyingi o‘rinlarda — Jamg‘arma) tashkil etilsin.

Kasbiy ta’limni rivojlantirish jamg‘armasi mablag‘larini shakllantirish manbalari va ularni sarflashning asosiy yo‘nalishlari 10-ilovaga muvofiq tasdiqlansin.

12. Jamg‘armani boshlang‘ich moliyaviy mablag‘lar bilan ta’minlash maqsadida:

Iqtisodiyot va moliya vazirligi (O. Fozilkarimov) 2025-yil 1-aprelga qadar Davlat budjetidan 50 milliard so‘m miqdordagi mablag‘larni;

Oliy ta’lim, fan va innovatsiyalar vazirligi (K. Sharipov) 2025-yil 1-sentabrga qadar Oliy ta’lim muassasalarini rivojlantirish jamg‘armasi mablag‘larining O‘zbekiston Respublikasining respublika budjetiga taqsimlanadigan qismidan 50 milliard so‘m miqdordagi mablag‘larni Jamg‘armaga yo‘naltirsin.

13. 2025 — 2027-yillarda kasbiy ta’lim tizimini rivojlantirish bo‘yicha chora-tadbirlar dasturi 11-ilovaga muvofiq tasdiqlansin.

14. O‘zbekiston Respublikasi Prezidentining ayrim hujjatlari 12-ilovaga muvofiq o‘z kuchini yo‘qotgan deb hisoblansin.

15. Oliy ta’lim, fan va innovatsiyalar vazirligi (K. Sharipov):

Iqtisodiyot va moliya vazirligi bilan birgalikda 2025-yil 1-iyulga qadar 2026 — 2030-yillarda kasbiy ta’lim tizimining moddiy-texnika bazasini rivojlantirish dasturini O‘zbekiston Respublikasi Prezidenti Administratsiyasiga;

manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risidagi takliflarni Vazirlar Mahkamasiga kiritsin.

16. Mazkur Farmonning ijrosini samarali tashkil qilishga mas’ul va shaxsiy javobgar etib oliy ta’lim, fan va innovatsiyalar vaziri K.A. Sharipov hamda Qoraqalpog‘iston Respublikasi Vazirlar Kengashi Raisi, viloyatlar va Toshkent shahri hokimlari belgilansin.

Farmon ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish O‘zbekiston Respublikasi Bosh vaziri A.N. Aripov zimmasiga yuklansin.

Page updated

Google Sites

Report abuse